mera KHamosh rah kar bhi unhen sab kuchh suna dena

Qamar Jalalvi

mera KHamosh rah kar bhi unhen sab kuchh suna dena

Qamar Jalalvi

MORE BYQamar Jalalvi

    mirā ḳhāmosh rah kar bhī unheñ sab kuchh sunā denā

    zabāñ se kuchh na kahnā dekh kar aañsū bahā denā

    nasheman ho na ho ye to falak mashġhala Thahrā

    ki do tinke jahāñ par dekhnā bijlī girā denā

    maiñ is hālat se pahuñchā hashr vaale ḳhud pukār uTThe

    koī fariyād vaalā aa rahā hai rāsta denā

    ijāzat ho to kah duuñ qissa-e-ulfat sar-e-mahfil

    mujhe kuchh to fasāna yaad hai kuchh tum sunā denā

    maiñ mujrim huuñ mujhe iqrār hai jurm-e-mohabbat

    magar pahle to ḳhat par ġhaur kar lo phir sazā denā

    haTā kar ruḳh se gesū sub.h kar denā to mumkin hai

    magar sarkār ke bas meñ nahīñ taare chhupā denā

    ye tahzīb-e-chaman badlī hai bairūnī havāoñ ne

    garebāñ-chāk phūloñ par kalī muskurā denā

    'qamar' vo sab se chhup kar aa rahe haiñ fātiha paḌhne

    kahūñ kis se ki merī sham-e-turbat ko bujhā denā

    mera KHamosh rah kar bhi unhen sab kuchh suna dena

    zaban se kuchh na kahna dekh kar aansu baha dena

    nasheman ho na ho ye to falak ka mashghala Thahra

    ki do tinke jahan par dekhna bijli gira dena

    main is haalat se pahuncha hashr wale KHud pukar uTThe

    koi fariyaad wala aa raha hai rasta dena

    ijazat ho to kah dun qissa-e-ulfat sar-e-mahfil

    mujhe kuchh to fasana yaad hai kuchh tum suna dena

    main mujrim hun mujhe iqrar hai jurm-e-mohabbat ka

    magar pahle to KHat par ghaur kar lo phir saza dena

    haTa kar ruKH se gesu subh kar dena to mumkin hai

    magar sarkar ke bas mein nahin tare chhupa dena

    ye tahzib-e-chaman badli hai bairuni hawaon ne

    gareban-chaak phulon par kali ka muskura dena

    'qamar' wo sab se chhup kar aa rahe hain fatiha paDhne

    kahun kis se ki meri sham-e-turbat ko bujha dena

    Source:

    • Book : Auj-Qamar (Pg. 72)
    • Author : Ustad Sayed Mohd. Hussain Qamar Jalalvi
    • Publication : Shaikh Shokat Ali And Sons (1952)
    • Edition : 1952
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY