mera yaqin hai wo aaina nikalegi

mirā yaqīn hai vo aa.inā nikālegī

vo naqs mujh meñ hī phir kuchh nayā nikālegī

mujhe bhī kuchh nahīñ kahnā ki ab ḳhamoshī hī

hamāre beach koī rāsta nikālegī

jabīñ pe us kī shikan hai na aañkh meñ paanī

bhalā vo dil se hameñ aur kyā nikālegī

mirī ḳhamoshī kā matlab thā sirf ḳhāmoshī

vo is meñ pahlū magar dūsrā nikālegī

ai duniyā bol magar kuchh nahīñ sunūñgā maiñ

zabāñ se jo bhī tū achchhā burā nikālegī

hameñ na sudh hai na ham dastakeñ hī sunte haiñ

tū apne dil se hameñ kyā bhalā nikālegī

maiñ dūriyoñ meñ bhī nazdīkiyāñ nikāltā huuñ

vo fāsloñ meñ bhī kuchh fāsla nikālegī

mera yaqin hai wo aaina nikalegi

wo naqs mujh mein hi phir kuchh naya nikalegi

mujhe bhi kuchh nahin kahna ki ab KHamoshi hi

hamare beach koi rasta nikalegi

jabin pe us ki shikan hai na aankh mein pani

bhala wo dil se hamein aur kya nikalegi

meri KHamoshi ka matlab tha sirf KHamoshi

wo is mein pahlu magar dusra nikalegi

ai duniya bol magar kuchh nahin sununga main

zaban se jo bhi tu achchha bura nikalegi

hamein na sudh hai na hum dastaken hi sunte hain

tu apne dil se hamein kya bhala nikalegi

main duriyon mein bhi nazdikiyan nikalta hun

wo faslon mein bhi kuchh fasla nikalegi