mera ye malba mera KHaraba tumhaari yaadon se laD raha hai

mirā ye malba mirā ḳharāba tumhārī yādoñ se laḌ rahā hai

usī kī ta.amīr ho rahī hai vo ek ghar jo nahīñ bachā hai

paḌe hue haiñ jalī-bujhī cigaretoñ ke TukḌe har ik jagah par

aur ek chehra shagufta chehra tamām ghar meñ basā huā hai

lagā rahī hai mujhe sadā-e-havā darīche se laḌte laḌte

mirā ye kamra ḳhamosh kamra kisī kī aahaT se bhar gayā hai

kahīñ se saaye bhī aa ga.e haiñ mujhe sunāne kahānī apnī

koī fasāna bhī dhīre dhīre buland manzar se ho rahā hai

bulā rahīñ haiñ mujhe dobāra udāsiyoñ kī hasīn vaadī

kisī kī yādoñ kā sabz-mausam abhī bhī taaza banā huā hai

jo rañg-roġhan bikhar rahe haiñ tamām ghar meñ atā hai us kī

bas ek aamad se us kī vīrāñ khañDar sā ye ghar bhī jī uThā hai

mera ye malba mera KHaraba tumhaari yaadon se laD raha hai

usi ki tamir ho rahi hai wo ek ghar jo nahin bacha hai

paDe hue hain jali-bujhi cigareton ke TukDe har ek jagah par

aur ek chehra shagufta chehra tamam ghar mein basa hua hai

laga rahi hai mujhe sada-e-hawa dariche se laDte laDte

mera ye kamra KHamosh kamra kisi ki aahaT se bhar gaya hai

kahin se saye bhi aa gae hain mujhe sunane kahani apni

koi fasana bhi dhire dhire buland manzar se ho raha hai

bula rahin hain mujhe dobara udasiyon ki hasin wadi

kisi ki yaadon ka sabz-mausam abhi bhi taza bana hua hai

jo rang-roghan bikhar rahe hain tamam ghar mein ata hai us ki

bas ek aamad se us ki viran khanDar sa ye ghar bhi ji uTha hai