mere ahbab jo kuchh mere bare mujhse kahte hain

mire ahbāb jo kuchh mere baare mujh se kahte haiñ

maiñ us par kuchh nahīñ kahtā to saare mujh se kahte haiñ

zarā Thahro abhī ummīd kā dāman nahīñ chhoḌo

maiñ raushan hone vaalā huuñ sitāre mujh se kahte haiñ

vo do āñkheñ samundar haiñ tum un meñ kyoñ utarte ho

koī pūchhe to kahtā huuñ kināre mujh se kahte haiñ

mujhe ik mehrbāñ ne ḳhāmushī sunñā sikhāyā to

jinheñ bhī un kā ḳhālī-pan pukāre mujh se kahte haiñ

mujhe lagtā hai jaise maiñ koī autār utrā huuñ

Dubo.e yā unheñ koī ubhāre mujh se kahte haiñ

hameñ bhī to na.ī tahzīb ke pannoñ meñ rahne do

patangeñ kāġhazī kashtī ġhubāre mujh se kahte haiñ

mere ahbab jo kuchh mere bare mujh se kahte hain

main us par kuchh nahin kahta to sare mujh se kahte hain

zara Thahro abhi ummid ka daman nahin chhoDo

main raushan hone wala hun sitare mujh se kahte hain

wo do aankhen samundar hain tum un mein kyon utarte ho

koi puchhe to kahta hun kinare mujh se kahte hain

mujhe ek mehrban ne KHamushi sunna sikhaya to

jinhen bhi un ka KHali-pan pukare mujh se kahte hain

mujhe lagta hai jaise main koi autar utra hun

Duboe ya unhen koi ubhaare mujh se kahte hain

hamein bhi to nai tahzib ke pannon mein rahne do

patangen kaghazi kashti ghubare mujh se kahte hain