mere ‘alawa ghair ka KHayal kaise aa gaya

mire ‘alāva ġhair kā ḳhayāl kaise aa gayā

tumhāre dil ke shīshe meñ ye baal kaise aa gayā

abhī to lazzat-e-ḳhalish se dil mirā bharā na thā

abhī se zaḳhm-e-dil meñ indimāl kaise aa gayā

abhī to dil ke thāmne ko haath bhī uThā nahīñ

abhī se dhaḌkanoñ meñ e'tidāl kaise aa gayā

abhī to nā-tamām haiñ firāq kī sa’ūbateñ

abhī se dil ko muzhda-e-visāl kaise aa gayā

abhī bisāt-e-raqs-o-rang bazm meñ bichhī hī thī

ruḳh-e-tarab pe rang-e-sad-malāl kaise aa gayā

tumheñ jo naaz thā 'zakī' bulandiyoñ pe is qadar

ye kyā huā ‘urūj par zavāl kaise aa gayā

mere ‘alawa ghair ka KHayal kaise aa gaya

tumhaare dil ke shishe mein ye baal kaise aa gaya

abhi to lazzat-e-KHalish se dil mera bhara na tha

abhi se zaKHm-e-dil mein indimal kaise aa gaya

abhi to dil ke thamne ko hath bhi uTha nahin

abhi se dhaDkanon mein e'tidal kaise aa gaya

abhi to na-tamam hain firaq ki sa’ubaten

abhi se dil ko muzhda-e-visal kaise aa gaya

abhi bisat-e-raqs-o-rang bazm mein bichhi hi thi

ruKH-e-tarab pe rang-e-sad-malal kaise aa gaya

tumhein jo naz tha 'zaki' bulandiyon pe is qadar

ye kya hua ‘uruj par zawal kaise aa gaya