mere badan mein pighalta hua sa kuchh to hai

Rajinder Manchanda Bani

mere badan mein pighalta hua sa kuchh to hai

Rajinder Manchanda Bani

MORE BYRajinder Manchanda Bani

    mire badan meñ pighaltā huā kuchh to hai

    ik aur zaat meñ Dhaltā huā kuchh to hai

    mirī sadā na sahī haañ mirā lahū na sahī

    ye mauj mauj uchhaltā huā kuchh to hai

    kahīñ na āḳhirī jhoñkā ho miTte rishtoñ

    ye darmiyāñ se nikaltā huā kuchh to hai

    nahīñ hai aañkh ke sahrā meñ ek buuñd sarāb

    magar ye rañg badaltā huā kuchh to hai

    jo mere vāste kal zahr ban ke niklegā

    tire laboñ pe sambhaltā huā kuchh to hai

    ye aks paikar-e-sad-lams hai nahīñ na sahī

    kisī ḳhayāl meñ Dhaltā huā kuchh to hai

    badan ko toḌ ke bāhar nikalnā chāhtā hai

    ye kuchh to hai ye machaltā huā kuchh to hai

    kisī ke vāste hogā payām koī qahr

    hamāre sar se ye Taltā huā kuchh to hai

    ye maiñ nahīñ na sahī apne sard bistar par

    ye karvaTeñ badaltā huā kuchh to hai

    vo kuchh to thā maiñ sahārā jise samajhtā thā

    ye mere saath phisaltā huā kuchh to hai

    bikhar rahā hai fazā meñ ye duud raushnī

    udhar pahāḌ ke jaltā huā kuchh to hai

    mire vajūd se jo kaT rahā hai gām-ba-gām

    ye apnī raah badaltā huā kuchh to hai

    jo chāTtā chalā jaatā hai mujh ko ai 'bānī'

    ye āstīn meñ paltā huā kuchh to hai

    mere badan mein pighalta hua sa kuchh to hai

    ek aur zat mein Dhalta hua sa kuchh to hai

    meri sada na sahi han mera lahu na sahi

    ye mauj mauj uchhalta hua sa kuchh to hai

    kahin na aaKHiri jhonka ho miTte rishton ka

    ye darmiyan se nikalta hua sa kuchh to hai

    nahin hai aankh ke sahra mein ek bund sarab

    magar ye rang badalta hua sa kuchh to hai

    jo mere waste kal zahr ban ke niklega

    tere labon pe sambhalta hua sa kuchh to hai

    ye aks paikar-e-sad-lams hai nahin na sahi

    kisi KHayal mein Dhalta hua sa kuchh to hai

    badan ko toD ke bahar nikalna chahta hai

    ye kuchh to hai ye machalta hua sa kuchh to hai

    kisi ke waste hoga payam ya koi qahr

    hamare sar se ye Talta hua sa kuchh to hai

    ye main nahin na sahi apne sard bistar par

    ye karwaTen si badalta hua sa kuchh to hai

    wo kuchh to tha main sahaara jise samajhta tha

    ye mere sath phisalta hua sa kuchh to hai

    bikhar raha hai faza mein ye dud raushni ka

    udhar pahaD ke jalta hua sa kuchh to hai

    mere wajud se jo kaT raha hai gam-ba-gam

    ye apni rah badalta hua sa kuchh to hai

    jo chaTta chala jata hai mujh ko ai 'bani'

    ye aastin mein palta hua sa kuchh to hai

    Source :
    • Book : Kulliyat-e-bani (Pg. Bani Manchanda)
    • Publication : Maktaba Tehreek, Ansari Market,Daryaganj,New Delhi (1971)
    • Edition : 1971
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now