mere badan pe tere wasl ke gulab lage

mire badan pe tire vasl ke gulāb lage

ye merī āñkhoñ pe kis rut meñ kaise ḳhvāb lage

na puurā soch sakūñ chhū sakūñ na paḌh pā.ūñ

kabhī vo chāñd kabhī gul kabhī kitāb lage

nahīñ milā thā to barsoñ guzar ga.e yūñhī

par ab to us ke binā har ghaḌī azaab lage

ye mere jism pe kaisā ḳhumār chhāyā hai

tumhāre jism meñ shāmil mujhe sharāb lage

hameñ to achchhā hī lagtā rahegā vo 'haidar'

balā se ham use achchhe lage ḳharāb lage

mere badan pe tere wasl ke gulab lage

ye meri aankhon pe kis rut mein kaise KHwab lage

na pura soch sakun chhu sakun na paDh paun

kabhi wo chand kabhi gul kabhi kitab lage

nahin mila tha to barson guzar gae yunhi

par ab to us ke bina har ghaDi azab lage

ye mere jism pe kaisa KHumar chhaya hai

tumhaare jism mein shamil mujhe sharab lage

hamein to achchha hi lagta rahega wo 'haidar'

bala se hum use achchhe lage KHarab lage