mere bhi surKH-ru hone ka ek mauqa nikal aata

mire bhī surḳh-rū hone kā ik mauqa.a nikal aatā

ġham-e-jānāñ ke malbe se ġham-e-duniyā nikal aatā

ye maanā maiñ thakā-hārā musāfir huuñ magar phir bhī

tumhāre saath chalne kā koī rasta nikal aatā

tirī yādoñ kī pathrīlī zamīñ shādāb ho jaatī

agar āñkhoñ ke sahrā se koī dariyā nikal aatā

chalo achchhā huā Thahrā na vo bhī āḳhir-e-shab tak

ki us ke ba.ad to phir sub.h kā taarā nikal aatā

kahāñ be-tāb rakh saktā thā phir ehsās-e-mahrūmī

dayār-e-ġhair meñ tum sā koī apnā nikal aatā

ridā-e-āgahī ke bojh ne ḳham kar diyā varna

hamārā qad bhī phir tum se bahut ūñchā nikal aatā

mere bhi surKH-ru hone ka ek mauqa nikal aata

gham-e-jaanan ke malbe se gham-e-duniya nikal aata

ye mana main thaka-haara musafir hun magar phir bhi

tumhaare sath chalne ka koi rasta nikal aata

teri yaadon ki pathrili zamin shadab ho jati

agar aankhon ke sahra se koi dariya nikal aata

chalo achchha hua Thahra na wo bhi aaKHir-e-shab tak

ki us ke baad to phir subh ka tara nikal aata

kahan be-tab rakh sakta tha phir ehsas-e-mahrumi

dayar-e-ghair mein tum sa koi apna nikal aata

rida-e-agahi ke bojh ne KHam kar diya warna

hamara qad bhi phir tum se bahut uncha nikal aata