mere dil ko mohabbat KHub garmae to achchha ho

Zahiir Ahmad Taaj

mere dil ko mohabbat KHub garmae to achchha ho

Zahiir Ahmad Taaj

MORE BYZahiir Ahmad Taaj

    mire dil ko mohabbat ḳhuub garmā.e to achchhā ho

    ḳhalish baḌh kar ilāj-e-dard ban jaa.e to achchhā ho

    mire ashk-e-mohabbat se diloñ ke mail dhul jaa.eñ

    mirā ġham zindagī ke kaam aa jaa.e to achchhā ho

    har ik mazlūm ko merī himāyat sahārā ho

    mirā zauq-e-amal us raah par aa.e to achchhā ho

    mire soz-e-darūñ se jagmagā.e hastī-e-ālam

    mirā nūr-e-basīrat aam ho jaa.e to achchhā ho

    añdherī shab hai sham-e-dil farozāñ kījiye yaaro

    sitāroñ chamak kuchh aur baḌh jaa.e to achchhā ho

    zabāñ par baat bhūle se na aa.e shikva-e-dil

    taġhāful par kabhī un ke na harf aa.e to achchhā ho

    haqīqat ḳhud ko manvā le zabān-e-be-zabānī se

    ḳhud un dil nigāhoñ se jo sharmā.e to achchhā ho

    mirī bechainiyoñ ko chain kuchh to aa jā.egā

    tabīb-e-ishq mujh ko dekhne aa.e to achchhā ho

    unheñ rañgīniyoñ se ik shaġhaf ai 'tāj' rahtā hai

    mirī bechainiyoñ meñ rañg bhar jaa.e to achchhā ho

    mere dil ko mohabbat KHub garmae to achchha ho

    KHalish baDh kar ilaj-e-dard ban jae to achchha ho

    mere ashk-e-mohabbat se dilon ke mail dhul jaen

    mera gham zindagi ke kaam aa jae to achchha ho

    har ek mazlum ko meri himayat ka sahaara ho

    mera zauq-e-amal us rah par aae to achchha ho

    mere soz-e-darun se jagmagae hasti-e-alam

    mera nur-e-basirat aam ho jae to achchha ho

    andheri shab hai sham-e-dil farozan kijiye yaro

    sitaron ki chamak kuchh aur baDh jae to achchha ho

    zaban par baat bhule se na aae shikwa-e-dil ki

    taghaful par kabhi un ke na harf aae to achchha ho

    haqiqat KHud ko manwa le zaban-e-be-zabani se

    KHud un ka dil nigahon se jo sharmae to achchha ho

    meri bechainiyon ko chain kuchh to aa hi jaega

    tabib-e-ishq mujh ko dekhne aae to achchha ho

    unhen ranginiyon se ek shaghaf ai 'taj' rahta hai

    meri bechainiyon mein rang bhar jae to achchha ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY