mere dil mein hai ki puchhun kabhi murshid-e-mughan se

Abdul Majeed Salik

mere dil mein hai ki puchhun kabhi murshid-e-mughan se

Abdul Majeed Salik

MORE BY Abdul Majeed Salik

    mire dil meñ hai ki pūchhūñ kabhī murshid-e-muġhāñ se

    ki milā jamāl-e-sāqī ko ye tantana kahāñ se

    vo ye kah rahe haiñ ham ko tire haal ḳhabar kyā

    uThā sakā nigāheñ na batā sakā zabāñ se

    jo unheñ vafā sūjhī to na ziist ne vafā

    abhī aa ke vo na baiThe ki ham uTh ga.e jahāñ se

    maiñ adam ke lāla-zāroñ meñ navā-gar-e-azal thā

    mujhe khīñch laa.ī zālim tirī aarzū kahāñ se

    mirī sarnavisht meñ thā vahī dāġh-e-nā-murādī

    jo milā mirī jabīñ ko tire sañg-e-āstāñ se

    bache bijliyoñ zad se vahī tā.erān-e-dānā

    jo kaḌak chamak se pahle nikal aa.e āshiyāñ se

    ye hai mājrā-e-vahshat ki milā surāġh-e-mahmil

    na ġhubār-e-kārvāñ se na darā-e-kārvāñ se

    nahīñ kuchh samajh meñ aatā ye ajiib mājrā hai

    ki zamīñ ke rahne vāloñ ko hidāyat āsmāñ se

    shab-e-ġham jo aa.ī 'sālik' miTe bātnī andhere

    mirā dil huā munavvar tab-o-tāb-e-jāvedāñ se

    mere dil mein hai ki puchhun kabhi murshid-e-mughan se

    ki mila jamal-e-saqi ko ye tantana kahan se

    wo ye kah rahe hain hum ko tere haal ki KHabar kya

    tu uTha saka nigahen na bata saka zaban se

    jo unhen wafa ki sujhi to na zist ne wafa ki

    abhi aa ke wo na baiThe ki hum uTh gae jahan se

    main adam ke lala-zaron mein nawa-gar-e-azal tha

    mujhe khinch lai zalim teri aarzu kahan se

    meri sarnawisht mein tha wahi dagh-e-na-muradi

    jo mila meri jabin ko tere sang-e-astan se

    bache bijliyon ki zad se wahi taeran-e-dana

    jo kaDak chamak se pahle nikal aae aashiyan se

    ye hai majra-e-wahshat ki mila suragh-e-mahmil

    na ghubar-e-karwan se na dara-e-karwan se

    nahin kuchh samajh mein aata ye ajib majra hai

    ki zamin ke rahne walon ko hidayat aasman se

    shab-e-gham jo aai 'salik' miTe baatni andhere

    mera dil hua munawwar tab-o-tab-e-jawedan se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites