mere fikr o fan ko nai faza nae baal-o-par ki talash hai

Wamiq Jaunpuri

mere fikr o fan ko nai faza nae baal-o-par ki talash hai

Wamiq Jaunpuri

MORE BYWamiq Jaunpuri

    mire fikr o fan ko na.ī fazā na.e bāl-o-par talāsh hai

    jo qafas ko yaas ke phūñk de mujhe us sharar talāsh hai

    hai ajiib ālam-e-sarḳhushī na shakeb hai na shikastagī

    kabhī manziloñ se guzar ga.e kabhī rahguzar talāsh hai

    mujhe us junūñ hai justujū jo chaman ko baḳhsh de rañg o

    jo naved-e-fasl-e-bahār ho mujhe us nazar talāsh hai

    mujhe us sahar ho kyā ḳhushī jo ho zulmatoñ meñ ghirī huī

    mirī shām-e-ġham ko jo luuT le mujhe us sahar talāsh hai

    yuuñ to kahne ke liye chārāgar mujhe be-shumār mile magar

    jo mizāj-e-ġham ko samajh sake usī chārāgar talāsh hai

    mire nāsehā mire nukta-chīñ tujhe mere dil ḳhabar nahīñ

    maiñ harīf-e-maslak-e-bandagī tujhe sañg-e-dar talāsh hai

    mujhe ishq husn o hayāt se mujhe rabt fikr o nashāt se

    mirā sher naġhma-e-zindagī tujhe nauhagar talāsh hai

    use zid ki 'vāmiq'-e-shikva-gar kisī raaz se na ho bā-ḳhabar

    mujhe naaz hai ki ye dīda-var mirī umr bhar talāsh hai

    mere fikr o fan ko nai faza nae baal-o-par ki talash hai

    jo qafas ko yas ke phunk de mujhe us sharar ki talash hai

    hai ajib aalam-e-sarKHushi na shakeb hai na shikastagi

    kabhi manzilon se guzar gae kabhi rahguzar ki talash hai

    mujhe us junun ki hai justuju jo chaman ko baKHsh de rang o bu

    jo nawed-e-fasl-e-bahaar ho mujhe us nazar ki talash hai

    mujhe us sahar ki ho kya KHushi jo ho zulmaton mein ghiri hui

    meri sham-e-gham ko jo luT le mujhe us sahar ki talash hai

    yun to kahne ke liye chaaragar mujhe be-shumar mile magar

    jo mizaj-e-gham ko samajh sake usi chaaragar ki talash hai

    mere naseha mere nukta-chin tujhe mere dil ki KHabar nahin

    main harif-e-maslak-e-bandagi tujhe sang-e-dar ki talash hai

    mujhe ishq husn o hayat se mujhe rabt fikr o nashat se

    mera sher naghma-e-zindagi tujhe nauhagar ki talash hai

    use zid ki 'wamiq'-e-shikwa-gar kisi raaz se na ho ba-KHabar

    mujhe naz hai ki ye dida-war meri umr bhar ki talash hai

    RECITATIONS

    Nomaan Shauque

    Nomaan Shauque

    Nomaan Shauque

    mere fikr o fan ko nai faza nae baal-o-par ki talash hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY