mere ham-qadam mere ham-nashin mere sath chal

mire ham-qadam mire ham-nashīñ mire saath chal

mire ham-safar mirā kar yaqīñ mire saath chal

shab-e-hijr meñ jo thī talḳhiyāñ sabhī bhuul jā

mujhe dil meñ rakh mirā ghar yahīñ mire saath chal

maiñ tire vajūd kī shāḳh huuñ mujhe kaaT mat

mujhe paas rakh maiñ gumāñ nahīñ mire saath chal

ye jo lā-makān ke silsile tirī zaat ke

tirī zaat meñ huuñ nihāñ kahīñ mire saath chal

kabhī chāñd par kabhī phuul meñ kabhī ḳhaak meñ

mujhe yuuñ na bhej kahīñ kahīñ mire saath chal

maiñ chalī suḳhan liye gulsitāñ mire saath aa

mirī soch ke vahīñ sab nagīñ mire saath chal

mere ham-qadam mere ham-nashin mere sath chal

mere ham-safar mera kar yaqin mere sath chal

shab-e-hijr mein jo thi talKHiyan sabhi bhul ja

mujhe dil mein rakh mera ghar yahin mere sath chal

main tere wajud ki shaKH hun mujhe kaT mat

mujhe pas rakh main guman nahin mere sath chal

ye jo la-makan ke silsile teri zat ke

teri zat mein hun nihan kahin mere sath chal

kabhi chand par kabhi phul mein kabhi KHak mein

mujhe yun na bhej kahin kahin mere sath chal

main chali suKHan liye gulsitan mere sath aa

meri soch ke wahin sab nagin mere sath chal