mire ham-suḳhan mire ham-navā tirī ḳhair ho
tū visāl-rut meñ judā huā tirī ḳhair ho
mire dard terī 'atā sahī maiñ ḳhafā sahī
tire haq meñ kartā huuñ maiñ du'ā tirī ḳhair ho
tujhe saare shahr ko chhoḌ kar thā chunā kabhī
tū hī haath ham se chhuḌā gayā tirī ḳhair ho
koī tujh se shikva gila karūñ na milā karūñ
mirā zarf hī nahīñ māntā tirī ḳhair ho
vo to kar rahā thā judā.iyoñ kī vazāhateñ
mirā sirf ek javāb thā tirī ḳhair ho
na nazar nazar meñ tū de sadā mujhe bhuul jā
nahīñ mujh meñ ab nahīñ hausla tirī ḳhair ho
ye nadāmateñ na dikhā mujhe na satā mujhe
jā tujhe faqīr ne kah diyā tirī ḳhair ho
mere ham-suKHan mere ham-nawa teri KHair ho
tu visal-rut mein juda hua teri KHair ho
mere dard teri 'ata sahi main KHafa sahi
tere haq mein karta hun main du'a teri KHair ho
tujhe sare shahr ko chhoD kar tha chuna kabhi
tu hi hath hum se chhuDa gaya teri KHair ho
koi tujh se shikwa gila karun na mila karun
mera zarf hi nahin manta teri KHair ho
wo to kar raha tha judaiyon ki wazahaten
mera sirf ek jawab tha teri KHair ho
na nazar nazar mein tu de sada mujhe bhul ja
nahin mujh mein ab nahin hausla teri KHair ho
ye nadamaten na dikha mujhe na sata mujhe
ja tujhe faqir ne kah diya teri KHair ho
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.