mere hawas pe hawi rahi koi koi baat

mire havās pe haavī rahī koī koī baat

ki zindagī se sivā ḳhaas thī koī koī baat

ye aur baat ki mahsūs tak na hone duuñ

jakaḌ sī letī hai dil ko tirī koī koī baat

koī bhī tujh sā mujhe hū-ba-hū kahīñ na malā

kisī kisī meñ agarche milī koī koī baat

ḳhushī hui ki mulāqāt rā.egāñ na ga.ī

use bhī merī tarah yaad thī koī koī baat

badan meñ zahr kai mānind phail jaatī hai

diloñ meñ ḳhauf se sahmī hui koī koī baat

kabhī samajh nahīñ paa.e ki us meñ kyā hai magar

chalī to aise ki bas chal paḌī koī koī baat

vazāhatoñ meñ ulajh kar yahī khilā 'javvād'

zarūrī hai ki rahe an-kahī koī koī baat

mere hawas pe hawi rahi koi koi baat

ki zindagi se siwa KHas thi koi koi baat

ye aur baat ki mahsus tak na hone dun

jakaD si leti hai dil ko teri koi koi baat

koi bhi tujh sa mujhe hu-ba-hu kahin na mala

kisi kisi mein agarche mili koi koi baat

KHushi hui ki mulaqat raegan na gai

use bhi meri tarah yaad thi koi koi baat

badan mein zahr kai manind phail jati hai

dilon mein KHauf se sahmi hui koi koi baat

kabhi samajh nahin pae ki us mein kya hai magar

chali to aise ki bas chal paDi koi koi baat

wazahaton mein ulajh kar yahi khila 'jawwad'

zaruri hai ki rahe an-kahi koi koi baat