mere junun ko hai tujhse sabaat phir milna

mire junūñ ko hai tujh se sabāt phir milnā

mirī nazar kī hasīñ kā.enāt phir milnā

kabhī jo din ke ujāle meñ aa na paa.e agar

to shauq-e-dīd meñ jāgegī raat phir milnā

bas ek tū hī bahāna huā hai jiine kā

vagarna dard hai saarī hayāt phir milnā

hazār rang haiñ tere ki mujh se lipTe haiñ

jilau meñ le ke dhanak kī barāt phir milnā

sunī huī hai tirī aañkh kī zabāñ maiñ ne

tujhe sunā sakūñ is dil kī baat phir milnā

chaTaḳh chaTaḳh ke mire hoñT de rahe haiñ sadā

phir aanā lauT ke jū-e-furāt phir milnā

mere junun ko hai tujh se sabaat phir milna

meri nazar ki hasin kaenat phir milna

kabhi jo din ke ujale mein aa na pae agar

to shauq-e-did mein jagegi raat phir milna

bas ek tu hi bahana hua hai jine ka

wagarna dard hai sari hayat phir milna

hazar rang hain tere ki mujh se lipTe hain

jilau mein le ke dhanak ki baraat phir milna

suni hui hai teri aankh ki zaban main ne

tujhe suna sakun is dil ki baat phir milna

chaTaKH chaTaKH ke mere honT de rahe hain sada

phir aana lauT ke ju-e-furaat phir milna