mere junun ko hai tufan-e-rang-o-bu ki talash

mire junūñ ko hai tūfān-e-rang-o-bū kī talāsh

faroġh-e-ātish-e-gul ko mire lahū kī talāsh

ḳhirad kī ḳhīra-mazāqī junūñ kī jaulānī

hai zaḳhm-e-sozan-e-ġham rishta-e-rafū kī talāsh

urūs-e-gul to abhī hajla-e-ḳhayāl meñ hai

ki shāḳh-e-gul ko hai sad-joshish-e-numū kī talāsh

hai sust-gām bahut kārvān-e-shauq abhī

rahīl-e-vaqt ko sargarm-e-justujū kī talāsh

azal se misl-e-zamīñ gardish-e-mudām meñ hai

ajab hai zarra-e-shorīda-ārzū kī talāsh

atā-e-ishq hai sahbā-e-ābgīna-guzār

nahīñ mujhe kisī paimāna-o-subū kī talāsh

mere junun ko hai tufan-e-rang-o-bu ki talash

farogh-e-atish-e-gul ko mere lahu ki talash

KHirad ki KHira-mazaqi junun ki jaulani

hai zaKHm-e-sozan-e-gham rishta-e-rafu ki talash

urus-e-gul to abhi hajla-e-KHayal mein hai

ki shaKH-e-gul ko hai sad-joshish-e-numu ki talash

hai sust-gam bahut karwan-e-shauq abhi

rahil-e-waqt ko sargarm-e-justuju ki talash

azal se misl-e-zamin gardish-e-mudam mein hai

ajab hai zarra-e-shorida-arzu ki talash

ata-e-ishq hai sahba-e-abgina-guzar

nahin mujhe kisi paimana-o-subu ki talash