mere KHayal ki nudrat kisi ko kya malum

mire ḳhayāl kī nudrat kisī ko kyā mā'lūm

tilism-e-rang-e-tamanna hai ab huā mā'lūm

kahīñ panāh nahīñ hai hameñ to chalnā hai

agarche pairoñ meñ dam hai na rāstā mā'lūm

use uḌā ke havā le ga.ī na jaane kahāñ

kidhar lagā.egā dariyā hameñ ḳhudā mā'lūm

sitāra TuuT rahā thā to sab ne dekhā thā

gayā kahāñ ye kisī ko na ho sakā mā'lūm

use kisī ko sunā dījiye duā degā

vo ek naġhma hai ḳhāliq hai jis kā nā-mā’lūm

na jaane kis ne 'muzaffar' kī muḳhbirī kī hai

tire sivā to kisī aur ko na thā mā'lūm

mere KHayal ki nudrat kisi ko kya ma'lum

tilism-e-rang-e-tamanna hai ab hua ma'lum

kahin panah nahin hai hamein to chalna hai

agarche pairon mein dam hai na rasta ma'lum

use uDa ke hawa le gai na jaane kahan

kidhar lagaega dariya hamein KHuda ma'lum

sitara TuT raha tha to sab ne dekha tha

gaya kahan ye kisi ko na ho saka ma'lum

use kisi ko suna dijiye dua dega

wo ek naghma hai KHaliq hai jis ka na-ma’lum

na jaane kis ne 'muzaffar' ki muKHbiri ki hai

tere siwa to kisi aur ko na tha ma'lum