mere maula tera tohfa hai ye ilham mujhe

mire maulā tirā tohfa hai ye ilhām mujhe

arsh se aane lage haiñ ka.ī paiġhām mujhe

hijr meñ baiTh ke ronā hī nahīñ mujh par farz

aur bhī karne haiñ ai dost ka.ī kaam mujhe

jaise ik abr chalā aa.e barasne ke liye

aise aatī hai tirī yaad sar-e-shām mujhe

is liye ishq kī bīmārī se Dartā huuñ maiñ

ain-mumkin hai ke phir aa.e na ārām mujhe

is liye hī to ise maiñ ne banāyā tasbīh

saañs lene meñ hai āsānī tirā naam mujhe

is ko pahnā to ka.ī sabz parinde dekhe

ek darvesh ne lā kar diyā ehrām mujh

mere maula tera tohfa hai ye ilham mujhe

arsh se aane lage hain kai paigham mujhe

hijr mein baiTh ke rona hi nahin mujh par farz

aur bhi karne hain ai dost kai kaam mujhe

jaise ek abr chala aae barasne ke liye

aise aati hai teri yaad sar-e-sham mujhe

is liye ishq ki bimari se Darta hun main

ain-mumkin hai ke phir aae na aaram mujhe

is liye hi to ise main ne banaya tasbih

sans lene mein hai aasani tera nam mujhe

is ko pahna to kai sabz parinde dekhe

ek darwesh ne la kar diya ehram mujh