mire muqaddar meñ jo likhā thā nasīb se vo pahuñch na paayā
girā to thā āsmān se kuchh khajūr meñ rah gayā aTak kar
musībat aa to ga.ī thī lekin huī vo aap ulTe paañv ruḳhsat
lagā jo thā zindagī kā kāñTā nikal gayā chaar din khaTak kar
vahāñ haiñ ab ham ki kyā batā.eñ vo pech-o-ḳham haiñ ki kuchh na pūchho
ye chaal rāh-e-talab kī dekho ki chal rahī hai maTak maTak kar
ye kaisī vahshat-asar ḳhabar hai patā to ai bāġhbāñ lagānā
khaḌe hue kaan kyuuñ guloñ ke kalī ne kyā kah diyā chaTak kar
kiyā jo Dar Dar ke arz-e-matlab to mujh se ye kah diyā unhoñ ne
sabaq nahīñ yaad abhī ye tum ko sunā rahe ho aTak aTak kar
ḳhud apnā rasta sudhār 'nātiq' na fikr kar shaiḳh-o-barahman kī
vahīñ to jaate haiñ rāste sab koī kahāñ jā.egā bhaTak kar
mere muqaddar mein jo likha tha nasib se wo pahunch na paya
gira to tha aasman se kuchh khajur mein rah gaya aTak kar
musibat aa to gai thi lekin hui wo aap ulTe panw ruKHsat
laga jo tha zindagi ka kanTa nikal gaya chaar din khaTak kar
wahan hain ab hum ki kya bataen wo pech-o-KHam hain ki kuchh na puchho
ye chaal rah-e-talab ki dekho ki chal rahi hai maTak maTak kar
ye kaisi wahshat-asar KHabar hai pata to ai baghban lagana
khaDe hue kan kyun gulon ke kali ne kya kah diya chaTak kar
kiya jo Dar Dar ke arz-e-matlab to mujh se ye kah diya unhon ne
sabaq nahin yaad abhi ye tum ko suna rahe ho aTak aTak kar
KHud apna rasta sudhaar 'natiq' na fikr kar shaiKH-o-barahman ki
wahin to jate hain raste sab koi kahan jaega bhaTak kar
Source:
Deewan-e-Natiq (Pg. ebook-68 page-56)
-
Author:
Natiq Gulavthi
-
- Edition: 1976
- Publisher: Mohammad Abdul Halim
- Year of Publication: 1976
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.