mere nalon se jalte hain meri aahon se jalte hain

mire nāloñ se jalte haiñ mirī aahoñ se jalte haiñ

mire dil ke nihāñ-ḳhāne mire hāthoñ se jalte haiñ

haqīqat meñ masarrat kī bahāreñ jin ko hāsil haiñ

vahī aksar mire jhaḌte hue ḳhvāboñ se jalte haiñ

mirā un se lipaT jaanā vo ik lahza tasavvur thā

harīf-e-dil usī dam se mirī bāñhoñ se jalte haiñ

shab-e-ġham se mirī ruktī ukhaḌtī saañs chaltī hai

mire sab maut ke pyāse mirī rātoñ se jalte haiñ

vo āḳhir kesarī malbūs meñ uryāñ nikal aa.e

vo khul ke ab hamāre za.afarāñ-zāroñ se jalte haiñ

vo ḳhushbū naam jab se kar liyā vird-e-zabāñ maiñ ne

tabhī se itr ke tājir mirī sāñsoñ se jalte haiñ

mere nalon se jalte hain meri aahon se jalte hain

mere dil ke nihan-KHane mere hathon se jalte hain

haqiqat mein masarrat ki bahaaren jin ko hasil hain

wahi aksar mere jhaDte hue KHwabon se jalte hain

mera un se lipaT jaana wo ek lahza tasawwur tha

harif-e-dil usi dam se meri banhon se jalte hain

shab-e-gham se meri rukti ukhaDti sans chalti hai

mere sab maut ke pyase meri raaton se jalte hain

wo aaKHir kesari malbus mein uryan nikal aae

wo khul ke ab hamare zafaran-zaron se jalte hain

wo KHushbu nam jab se kar liya wird-e-zaban main ne

tabhi se itr ke tajir meri sanson se jalte hain