mere pichhe ye to muhaal hai ki zamana garm-e-safar na ho

Majrooh Sultanpuri

mere pichhe ye to muhaal hai ki zamana garm-e-safar na ho

Majrooh Sultanpuri

MORE BYMajrooh Sultanpuri

    mire pīchhe ye to muhāl hai ki zamāna garm-e-safar na ho

    ki nahīñ mirā koī naqsh-e-pā jo charāġh-e-rāhguzar na ho

    ruḳh-e-teġh se jo na ho kabhī sahar aisī koī nahīñ mirī

    nahīñ aisī ek bhī shaam jo tah-e-zulf-e-dār basar na ho

    mire haath haiñ to lūñgā ḳhud maiñ ab apnā sāqi-e-mai-kada

    ḳhum-e-ġhair se to ḳhudā kare lab-e-jām bhī mirā tar na ho

    maiñ hazār shakl badal chukā chaman-e-jahāñ meñ sun ai sabā

    ki jo phuul hai tire haath meñ ye mirā laḳht-e-jigar na ho

    jinheñ sab samajhte haiñ mehr o mah na hoñ sirf chand nuqūsh-e-pā

    jise kahte haiñ kurra-e-zamīñ faqat ek sañg-e-safar na ho

    tire zamīñ pe ruke ruke tirā sar falak pe jhukā jhukā

    koī tujh se bhī hai azīm-tar yahī vahm tujh ko magar na ho

    shab-e-zulm narġha-e-rāhzan se pukārtā hai koī mujhe

    maiñ farāz-e-dār se dekh luuñ kahīñ kārvān-e-sahar na ho

    mere pichhe ye to muhaal hai ki zamana garm-e-safar na ho

    ki nahin mera koi naqsh-e-pa jo charagh-e-rahguzar na ho

    ruKH-e-tegh se jo na ho kabhi sahar aisi koi nahin meri

    nahin aisi ek bhi sham jo tah-e-zulf-e-dar basar na ho

    mere hath hain to lunga KHud main ab apna saqi-e-mai-kada

    KHum-e-ghair se to KHuda kare lab-e-jam bhi mera tar na ho

    main hazar shakl badal chuka chaman-e-jahan mein sun ai saba

    ki jo phul hai tere hath mein ye mera hi laKHt-e-jigar na ho

    jinhen sab samajhte hain mehr o mah na hon sirf chand nuqush-e-pa

    jise kahte hain kurra-e-zamin faqat ek sang-e-safar na ho

    tere pa zamin pe ruke ruke tera sar falak pe jhuka jhuka

    koi tujh se bhi hai azim-tar yahi wahm tujh ko magar na ho

    shab-e-zulm nargha-e-rahzan se pukarta hai koi mujhe

    main faraaz-e-dar se dekh lun kahin karwan-e-sahar na ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY