mere qarib tha uTh kar abhi yahin se gaya

mire qarīb thā uTh kar abhī yahīñ se gayā

is e'tibār meñ dil bārhā yaqīñ se gayā

ḳhalā meñ us se mulāqāt ho ga.ī merī

vo āsmān se utrā thā maiñ zamīñ se gayā

ta'alluqāt meñ aayā hai marhala aisā

jahāñ maiñ jī se gayā aur vo nahīñ se gayā

chhupā sake na 'ibādat kā zaḳhm duniyā se

ki bhar chukā bhī to ik daaġh kab jabīñ se gayā

vo mere ghar se mukammal nahīñ gayā 'āsim'

kahīñ kahīñ vo abhī hai kahīñ kahīñ se gayā

mere qarib tha uTh kar abhi yahin se gaya

is e'tibar mein dil barha yaqin se gaya

KHala mein us se mulaqat ho gai meri

wo aasman se utra tha main zamin se gaya

ta'alluqat mein aaya hai marhala aisa

jahan main ji se gaya aur wo nahin se gaya

chhupa sake na 'ibaadat ka zaKHm duniya se

ki bhar chuka bhi to ek dagh kab jabin se gaya

wo mere ghar se mukammal nahin gaya 'asim'

kahin kahin wo abhi hai kahin kahin se gaya