mere sukun meri har KHushi ko le Duba

mire sukūn mirī har ḳhushī ko le Duubā

tirā fareb mirī zindagī ko le Duubā

charāġh-e-rāh se kuchh raushnī mayassar thī

havā kā zor usī raushnī ko le Duubā

tire visāl meñ raunaq thī mere chehre par

tirā firāq mirī tāzgī ko le Duubā

badalne vaalī thī taqdīr merā mustaqbil

mirā junūn mirī behtarī ko le Duubā

taraqqiyoñ ko tasalsul hai inkisārī meñ

ġhurūr aayā ki bas aadmī ko le Duubā

laboñ ne sabr tahammul ko khā liyā 'mashkūr'

sitam tumhārā mirī ḳhāmoshī ko le Duubā

mere sukun meri har KHushi ko le Duba

tera fareb meri zindagi ko le Duba

charagh-e-rah se kuchh raushni mayassar thi

hawa ka zor usi raushni ko le Duba

tere visal mein raunaq thi mere chehre par

tera firaq meri tazgi ko le Duba

badalne wali thi taqdir mera mustaqbil

mera junun meri behtari ko le Duba

taraqqiyon ko tasalsul hai inkisari mein

ghurur aaya ki bas aadmi ko le Duba

labon ne sabr tahammul ko kha liya 'mashkur'

sitam tumhaara meri KHamoshi ko le Duba