mere wajud mein wo is tarah samo jae

mire vajūd meñ vo is tarah samo jaa.e

jo mere paas hai sab kuchh usī kā ho jaa.e

abhī to aañkh ke andar hai tairtā aañsū

Tapak paḌā to na ghar hī kahīñ Dubo jaa.e

ḳhushī mile bhī to ye dil udaas rahtā hai

bas ek ḳhauf sā rahtā hai kuchh na ho jaa.e

tumheñ yaqīñ hai ki manzil hai do hī qadmoñ par

mujhe ye Dar hai kahīñ rāsta na kho jaa.e

tamām qāfila ab jāgtā hai is Dar se

kahīñ amiir na ġhaflat kī niiñd so jaa.e

kabhī to ḳhvāb bhī ta.abīr pā sakeñ apne

ye dā.eroñ kā safar jo tamām ho jaa.e

mere wajud mein wo is tarah samo jae

jo mere pas hai sab kuchh usi ka ho jae

abhi to aankh ke andar hai tairta aansu

Tapak paDa to na ghar hi kahin Dubo jae

KHushi mile bhi to ye dil udas rahta hai

bas ek KHauf sa rahta hai kuchh na ho jae

tumhein yaqin hai ki manzil hai do hi qadmon par

mujhe ye Dar hai kahin rasta na kho jae

tamam qafila ab jagta hai is Dar se

kahin amir na ghaflat ki nind so jae

kabhi to KHwab bhi tabir pa saken apne

ye daeron ka safar jo tamam ho jae