meri aah-o-fughan se be-samaat ho gae ho kya

Zia Faruqi

meri aah-o-fughan se be-samaat ho gae ho kya

Zia Faruqi

MORE BYZia Faruqi

    mirī āh-o-fuġhāñ se be-samā.at ho ga.e ho kyā

    abhī to ibtidā hai abhī se so ga.e ho kyā

    bhare bāzār meñ tanhā.iyoñ ko DhūñDne vaalo

    mire zauq-e-junūñ meñ tum bhī shāmil ho ga.e ho kyā

    vo gul jis ke liye ye āsmāñ mausam badaltā hai

    usī biij merī ḳhāk-e-jāñ meñ bo ga.e ho kyā

    koī āvāz kyuuñ dete nahīñ sāñsoñ ke markaz se

    ki tum bhī zindagī ke pech-o-ḳham meñ kho ga.e ho kyā

    kabhī jhāñkā hai tum ne Dūbte sūraj āñkhoñ meñ

    kabhī tum jhiil ke us paar bhī yaaro ga.e ho kyā

    ye be-ḳhvābī aalam aur har aahaT pe chauñk uThnā

    darīcha kyuuñ khulā rakhte ho pāgal ho ga.e ho kyā

    vo jis par ḳhema-zan the qāfile lailā-parastoñ ke

    kabhī us rāste par bhī batāo to ga.e ho kyā

    zamāne ko kabhī tasvīr-e-hairat ban ke dekhā hai

    kabhī be-samt rāhoñ par bhī durveshoñ ga.e ho kyā

    zamāne ko kabhī tasvīr-e-hairat ban ke dekhā hai

    kabhī be-samt rāhoñ par bhī durveshoñ ga.e ho kyā

    sunāoge kahāñ tak dāstān-e-ḳhair-o-shar apnī

    'ziyā' is dasht-e-jāñ meñ ban ke qissa-go ga.e ho kyā

    meri aah-o-fughan se be-samaat ho gae ho kya

    abhi to ibtida ki hai abhi se so gae ho kya

    bhare bazar mein tanhaiyon ko DhunDne walo

    mere zauq-e-junun mein tum bhi shamil ho gae ho kya

    wo gul jis ke liye ye aasman mausam badalta hai

    usi ka bij meri KHak-e-jaan mein bo gae ho kya

    koi aawaz kyun dete nahin sanson ke markaz se

    ki tum bhi zindagi ke pech-o-KHam mein kho gae ho kya

    kabhi jhanka hai tum ne Dubte suraj ki aankhon mein

    kabhi tum jhil ke us par bhi yaro gae ho kya

    ye be-KHwabi ka aalam aur har aahaT pe chaunk uThna

    daricha kyun khula rakhte ho pagal ho gae ho kya

    wo jis par KHema-zan the qafile laila-paraston ke

    kabhi us raste par bhi batao to gae ho kya

    zamane ko kabhi taswir-e-hairat ban ke dekha hai

    kabhi be-samt rahon par bhi durweshon gae ho kya

    zamane ko kabhi taswir-e-hairat ban ke dekha hai

    kabhi be-samt rahon par bhi durweshon gae ho kya

    sunaoge kahan tak dastan-e-KHair-o-shar apni

    'ziya' is dasht-e-jaan mein ban ke qissa-go gae ho kya

    Source :
    • Book : Pas-e-Gard-e-Safar (Pg. 63)
    • Author : Zia Farooqui
    • Publication : Educational Publishing House (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY