meri aankhon mein behad pyar tha aur tum kahin gum the

mirī āñkhoñ meñ behad pyaar thā aur tum kahīñ gum the

laboñ par shola-e-izhār thā aur tum kahīñ gum the

mire siine meñ tūfān-e-mohabbat raqs kartā thā

jigar meñ ishq kā āzār thā aur tum kahīñ gum the

tumhārā saath saare duniyā vāloñ ko khaTaktā thā

hamāre dil meñ ġham kā baar thā aur tum kahīñ gum the

ġhazal kī sūratoñ meñ naam terā jab piroyā thā

ye merā dil bhī lāla-zār thā aur tum kahīñ gum the

pighaltī jā rahī hai shaam rafta rafta āñkhoñ meñ

jigar meñ tīrgī kā vaar thā aur tum kahīñ gum the

taḌap uThī hai 'shīrīñ' ruuh merī be-qarārī se

mire dil meñ tumhārā pyaar thā aur tum kahīñ gum the

meri aankhon mein behad pyar tha aur tum kahin gum the

labon par shola-e-izhaar tha aur tum kahin gum the

mere sine mein tufan-e-mohabbat raqs karta tha

jigar mein ishq ka aazar tha aur tum kahin gum the

tumhaara sath sare duniya walon ko khaTakta tha

hamare dil mein gham ka bar tha aur tum kahin gum the

ghazal ki suraton mein nam tera jab piroya tha

ye mera dil bhi lala-zar tha aur tum kahin gum the

pighalti ja rahi hai sham rafta rafta aankhon mein

jigar mein tirgi ka war tha aur tum kahin gum the

taDap uThi hai 'shirin' ruh meri be-qarari se

mere dil mein tumhaara pyar tha aur tum kahin gum the