meri baat sun mere ham-nafas mere sath ab tu wafa na kar

mirī baat sun mire ham-nafas mire saath ab tū vafā na kar

maiñ charāġh huuñ jo bujhā huā mujhe raushnī kī duā na kar

maiñ vo ashk huuñ jo girā nahīñ maiñ vo dard huuñ jo huā nahīñ

mirā zarf mujh se hai kah rahā mire zaḳhm kī tū davā na kar

tirī aarzū meñ sañvar gayā tirī justujū meñ bikhar gayā

tirī sāzishoñ meñ jo raaz hai tū kabhī bhī us ko kahā na kar

mirā ham-safar bhī rahā hai tū mirī har ġhazal meñ chhupā hai tū

mirī dhaḌkanoñ se tū aa ke mil mujhe rahguzar meñ milā na kar

ye samajh le 'sarvar'-e-ġham-zada vo rahīm hai vo karīm hai

jo likhā hai us ne nasīb meñ kabhī us kā shikva gila na kar

meri baat sun mere ham-nafas mere sath ab tu wafa na kar

main charagh hun jo bujha hua mujhe raushni ki dua na kar

main wo ashk hun jo gira nahin main wo dard hun jo hua nahin

mera zarf mujh se hai kah raha mere zaKHm ki tu dawa na kar

teri aarzu mein sanwar gaya teri justuju mein bikhar gaya

teri sazishon mein jo raaz hai tu kabhi bhi us ko kaha na kar

mera ham-safar bhi raha hai tu meri har ghazal mein chhupa hai tu

meri dhaDkanon se tu aa ke mil mujhe rahguzar mein mila na kar

ye samajh le 'sarwar'-e-gham-zada wo rahim hai wo karim hai

jo likha hai us ne nasib mein kabhi us ka shikwa gila na kar