meri bhi chah thi dekhunga jal-pari chhu kar

mirī bhī chaah thī dekhūñgā jal-parī chhū kar

magar maiñ lauT gayā bārhā nadī chhū kar

guzārnā kise kahte haiñ jāntā huuñ maiñ

guzar rahe haiñ tire ġham mirī ḳhushī chhū kar

tumhāre lams mirī dhaḌkaneñ baḌhāte haiñ

mujhe yaqīn huā hai tumheñ abhī chhū kar

maiñ khiḌkī kholtā thā to havā.eñ aatī thiiñ

kabhī kabhī use sun kar kabhī kabhī chhū kar

maiñ mar chukā huuñ magar shahr ko yaqīn nahīñ

abhī bhī dekh rahā mujh ko har koī chhū kar

tamām raat ghaḌī dekhtī rahī mujh ko

tamām vaqt guzartā rahā ghaḌī chhū kar

maiñ is liye bhī use āj-kal nahīñ chhūtā

mire dukhoñ ne kiyā hai use dukhī chhū kar

meri bhi chah thi dekhunga jal-pari chhu kar

magar main lauT gaya barha nadi chhu kar

guzarna kise kahte hain jaanta hun main

guzar rahe hain tere gham meri KHushi chhu kar

tumhaare lams meri dhaDkanen baDhate hain

mujhe yaqin hua hai tumhein abhi chhu kar

main khiDki kholta tha to hawaen aati thin

kabhi kabhi use sun kar kabhi kabhi chhu kar

main mar chuka hun magar shahr ko yaqin nahin

abhi bhi dekh raha mujh ko har koi chhu kar

tamam raat ghaDi dekhti rahi mujh ko

tamam waqt guzarta raha ghaDi chhu kar

main is liye bhi use aaj-kal nahin chhuta

mere dukhon ne kiya hai use dukhi chhu kar