meri fitrat haqiqat-ashna malum hoti hai

mirī fitrat haqīqat-āshnā ma.alūm hotī hai

nazar paḌtī hai jis shai par ḳhudā ma.alūm hotī hai

sarāpā soz lekin jāñ-fizā ma.alūm hotī hai

sadā-e-sāz-e-dil haq kī sadā ma.alūm hotī hai

bahut ḳhush-zarf-o-ḳhush-bīñ hai fazā-e-vādī-e-ġhurbat

ba-zāhir hamdam-o-dard-āshnā ma.alūm hotī hai

ye kaisī zindagī hai ai asīr-e-dām-e-ḳhush-fahmī

jafā-e-bāġhbāñ bhī ab vafā ma.alūm hotī hai

maiñ us manzil meñ huuñ ab gām-farsā ai zahe-qismat

nigāh-e-rāhzan bhī rahnumā ma.alūm hotī hai

ye rañg-e-sher-goī raaz ye tarz-e-ġhazal-ḳhvānī

tirī fitrat haqīqat-āshnā ma.alūm hotī hai

meri fitrat haqiqat-ashna malum hoti hai

nazar paDti hai jis shai par KHuda malum hoti hai

sarapa soz lekin jaan-fiza malum hoti hai

sada-e-saz-e-dil haq ki sada malum hoti hai

bahut KHush-zarf-o-KHush-bin hai faza-e-wadi-e-ghurbat

ba-zahir hamdam-o-dard-ashna malum hoti hai

ye kaisi zindagi hai ai asir-e-dam-e-KHush-fahmi

jafa-e-baghban bhi ab wafa malum hoti hai

main us manzil mein hun ab gam-farsa ai zahe-qismat

nigah-e-rahzan bhi rahnuma malum hoti hai

ye rang-e-sher-goi raaz ye tarz-e-ghazal-KHwani

teri fitrat haqiqat-ashna malum hoti hai