meri jaan sarsari milne se kya malum hota hai
meri jaan sarsari milne se kya malum hota hai
Syed Nazeer Hasan Sakha Dehlavi
MORE BYSyed Nazeer Hasan Sakha Dehlavi
mirī jaañ sarsarī milne se kyā mālūm hotā hai
parakhne se bashar khoTā kharā mālūm hotā hai
tumhāre dil meñ aur merā tasavvur ho nahīñ saktā
tumhāre dil meñ koī dūsrā mālūm hotā hai
tire qadmoñ se ye vīrāna jannat ho gayā goyā
mujhe duniyā se apnā ghar judā mālūm hotā hai
mujhe tum bevafā kahte ho achchhā bevafā huuñ maiñ
magar ye mudda.ī kā mudda.ā mālūm hotā hai
tumhāre dil meñ jo kuchh aa.e pinhāñ rah nahīñ saktā
tumhārā dil to koī ā.īna mālūm hotā hai
adl kī shakl se zāhir us kā dil shikasta hai
chaman meñ aur koī gul khilā mālūm hotā hai
faqīroñ kī sadā sun kar mire dhoke meñ kahte haiñ
sikhā mālūm hotā hai 'saḳhā' mālūm hotā hai
meri jaan sarsari milne se kya malum hota hai
parakhne se bashar khoTa khara malum hota hai
tumhaare dil mein aur mera tasawwur ho nahin sakta
tumhaare dil mein koi dusra malum hota hai
tere qadmon se ye virana jannat ho gaya goya
mujhe duniya se apna ghar juda malum hota hai
mujhe tum bewafa kahte ho achchha bewafa hun main
magar ye muddai ka muddaa malum hota hai
tumhaare dil mein jo kuchh aae pinhan rah nahin sakta
tumhaara dil to koi aaina malum hota hai
adl ki shakl se zahir us ka dil shikasta hai
chaman mein aur koi gul khila malum hota hai
faqiron ki sada sun kar mere dhoke mein kahte hain
sikha malum hota hai 'saKHa' malum hota hai
Source:
Kulliyat-e-Maulana Sakha Dehlavi (Pg. 47)
- Author: Syed Nazeer Hasan Sakha Dehlavi
-
- Edition: 1977
- Publisher: Shadab Printing Press, Rawalpindi
- Year of Publication: 1977
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
