meri kahani teri kahani se muKHtalif hai
mirī kahānī tirī kahānī se muḳhtalif hai
ki jaise āñkhoñ kā pānī, paanī se muḳhtalif hai
vo ek lamha jo dastaras meñ nahīñ rahā hai
vo zindagī bhar kī rā.igānī se muḳhtalif hai
ye jhiil āñkheñ hameñ jo paiġhām de rahī haiñ
vo tere hoñToñ kī tarjumānī se muḳhtalif hai
tirī judā.ī kā hādsa aisā hādsa hai
jo har haqīqat se har kahānī se muḳhtalif hai
maiñ dasht-e-vahshat kī ret huuñ aur tū ek dariyā
mirī ravānī tirī ravānī se muḳhtalif hai
meri kahani teri kahani se muKHtalif hai
ki jaise aankhon ka pani, pani se muKHtalif hai
wo ek lamha jo dastaras mein nahin raha hai
wo zindagi bhar ki raigani se muKHtalif hai
ye jhil aankhen hamein jo paigham de rahi hain
wo tere honTon ki tarjumani se muKHtalif hai
teri judai ka hadsa aisa hadsa hai
jo har haqiqat se har kahani se muKHtalif hai
main dasht-e-wahshat ki ret hun aur tu ek dariya
meri rawani teri rawani se muKHtalif hai
Source:
Beesveen Sadi Ki Behtareen Ishqiya Ghazlen (Pg. 39)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
