mirī navā se hue zinda aarif o aamī
diyā hai maiñ ne unheñ zauq-e-ātish āshāmī
haram ke paas koī aajmī hai zamzama-sanj
ki taar taar hue jaama haa.e ehrāmī
haqīqat-e-abadī hai maqām-e-shabbīrī
badalte rahte haiñ andāz-e-kūfī o shāmī
mujhe ye Dar hai muqāmir haiñ puḳhta-kār bahut
na rañg laa.e kahīñ tere haath kī ḳhāmī
ajab nahīñ ki musalmāñ ko phir atā kar deñ
shikva-e-sanjar o faqr-e-juned o bastāmī
qabā-e-ilm o hunar lutf-e-ḳhās hai varna
tirī nigāh meñ thī merī nā-ḳhush andāmī
meri nawa se hue zinda aarif o aami
diya hai main ne unhen zauq-e-atish aashami
haram ke pas koi aajmi hai zamzama-sanj
ki tar tar hue jama hae ehrami
haqiqat-e-abadi hai maqam-e-shabbiri
badalte rahte hain andaz-e-kufi o shami
mujhe ye Dar hai muqamir hain puKHta-kar bahut
na rang lae kahin tere hath ki KHami
ajab nahin ki musalman ko phir ata kar den
shikwa-e-sanjar o faqr-e-juned o bastami
qaba-e-ilm o hunar lutf-e-KHas hai warna
teri nigah mein thi meri na-KHush andami
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.