meri nazar se na ho dur ek pal ke liye
mirī nazar se na ho duur ek pal ke liye
tirā vajūd hai lāzim mirī ġhazal ke liye
kahāñ se DhūñDh ke lā.ūñ charāġh sā vo badan
taras ga.ī haiñ nigāheñ kañval kañval ke liye
kisī kisī ke nasīboñ meñ ishq likkhā hai
har ik dimāġh bhalā kab hai is ḳhalal ke liye
huī na jur.at-e-guftār to sabab ye thā
mile na lafz tire husn-e-be-badal ke liye
sadā jiye ye mirā shahr-e-be-misāl jahāñ
hazār jhoñpaḌe girte haiñ ik mahal ke liye
'qatīl' zaḳhm sahūñ aur muskurātā rahūñ
bane haiñ dā.ere kyā kyā mire amal ke liye
meri nazar se na ho dur ek pal ke liye
tera wajud hai lazim meri ghazal ke liye
kahan se DhunDh ke laun charagh sa wo badan
taras gai hain nigahen kanwal kanwal ke liye
kisi kisi ke nasibon mein ishq likkha hai
har ek dimagh bhala kab hai is KHalal ke liye
hui na jurat-e-guftar to sabab ye tha
mile na lafz tere husn-e-be-badal ke liye
sada jiye ye mera shahr-e-be-misal jahan
hazar jhonpaDe girte hain ek mahal ke liye
'qatil' zaKHm sahun aur muskuraata rahun
bane hain daere kya kya mere amal ke liye
Source:
kalam-e-qateel shifai (Pg. 143)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
