meri subh-e-KHwab ke shahr par yahi ek jawaz hai jabr ka
meri subh-e-KHwab ke shahr par yahi ek jawaz hai jabr ka
Ghulam Husain Sajid
MORE BYGhulam Husain Sajid
mirī sub.h-e-ḳhvāb ke shahr par yahī ik javāz hai jabr kā
ki mire vajūd ke baaġh meñ abhī koī phuul hai sabr kā
kisī bādbān kī oT meñ kahīñ āsmān ke sāmne
ye ziyā hai mish.al-e-ḳhvāb kī ki koī charāġh hai abr kā
kisī sub.h ḳhvāhish-e-marg se bhī numūd paatī hai zindagī
kisī shaam apne vajūd par bhī gumān hotā hai qabr kā
mirī sham-e-nūr ke us taraf mirī ḳhāk-e-sabz ke is taraf
ye na.ī zamīn hai jabr kī ye nayā gulāb hai sabr kā
mire aa.ine se judā huā jo charāġh-e-hijr to ye khulā
chaman-e-sitāra-o-rañg meñ bhī kahīñ qayām hai abr kā
meri subh-e-KHwab ke shahr par yahi ek jawaz hai jabr ka
ki mere wajud ke bagh mein abhi koi phul hai sabr ka
kisi baadban ki oT mein kahin aasman ke samne
ye ziya hai mishal-e-KHwab ki ki koi charagh hai abr ka
kisi subh KHwahish-e-marg se bhi numud pati hai zindagi
kisi sham apne wajud par bhi guman hota hai qabr ka
meri sham-e-nur ke us taraf meri KHak-e-sabz ke is taraf
ye nai zamin hai jabr ki ye naya gulab hai sabr ka
mere aaine se juda hua jo charagh-e-hijr to ye khula
chaman-e-sitara-o-rang mein bhi kahin qayam hai abr ka
- Book : Monthly Usloob (Pg. 395)
- Author : Mushfiq Khawaja
- Publication : Usloob 3D 9—26 Nazimabad karachi 180007 (Oct. õ Nov. 1983,Issue No. 5-6)
- Edition : Oct. õ Nov. 1983,Issue No. 5-6
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
