meri wafa mera isar chhin le mujhse
mirī vafā mirā īsār chhīn le mujh se
hai kaun jo mirā kirdār chhīn le mujh se
ye zindagī koī sau baar chhīn le mujh se
magar nahīñ ki tirā pyaar chhīn le mujh se
ye vaqt vo hai ki qadmoñ meñ baiThne vaalā
ye chāhtā hai ki dastār chhīn le mujh se
atā ho yā to vahī dabdaba vahī jazba
nahīñ to ye mirī lalkār chhīn le mujh se
savāl kartī hai umr-e-ravāñ ki hai koī
jo merī tezī-e-raftār chhīn le mujh se
maiñ zer-e-sāya-e-dīvār bhī huuñ ḳhauf-zada
ki vo na sāya-e-dīvār chhīn le mujh se
mirā harīf kam-auqāt chāhtā hai 'vaqār'
mirā asāsa-e-afkār chhīn le mujh se
meri wafa mera isar chhin le mujh se
hai kaun jo mera kirdar chhin le mujh se
ye zindagi koi sau bar chhin le mujh se
magar nahin ki tera pyar chhin le mujh se
ye waqt wo hai ki qadmon mein baiThne wala
ye chahta hai ki dastar chhin le mujh se
ata ho ya to wahi dabdaba wahi jazba
nahin to ye meri lalkar chhin le mujh se
sawal karti hai umr-e-rawan ki hai koi
jo meri tezi-e-raftar chhin le mujh se
main zer-e-saya-e-diwar bhi hun KHauf-zada
ki wo na saya-e-diwar chhin le mujh se
mera harif kam-auqat chahta hai 'waqar'
mera asasa-e-afkar chhin le mujh se
Source:
Waqar-e-Hunar (Pg. 70)
- Author: Mohammad Zahiir
-
- Edition: 1998
- Publisher: Waqar Manvi, Sui walan, Darya Ganj, Delhi
- Year of Publication: 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
