meri zaban pe nae zaiqon ke phal likh de
mirī zabāñ pe na.e zā.iqoñ ke phal likh de
mire ḳhudā tū mire naam ik ġhazal likh de
maiñ chāhtā huuñ ye duniyā vo chāhtā hai mujhe
ye mas.ala baḌā nāzuk hai koī hal likh de
ye aaj jis kā hai us naam ko mubārak ho
mirī jabīñ pe mire āñsuoñ se kal likh de
havā kī tarah maiñ betāb huuñ ki shāḳh-e-gulāb
jo regzāroñ pe tālāb ke kañval likh de
maiñ ek lamhe meñ duniyā sameT saktā huuñ
tū kab milegā akele meñ ek pal likh de
meri zaban pe nae zaiqon ke phal likh de
mere KHuda tu mere nam ek ghazal likh de
main chahta hun ye duniya wo chahta hai mujhe
ye masala baDa nazuk hai koi hal likh de
ye aaj jis ka hai us nam ko mubarak ho
meri jabin pe mere aansuon se kal likh de
hawa ki tarah main betab hun ki shaKH-e-gulab
jo regzaron pe talab ke kanwal likh de
main ek lamhe mein duniya sameT sakta hun
tu kab milega akele mein ek pal likh de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
