misal-e-charKH raha aasman sar-gardan

misāl-e-charḳh rahā 'āsmāñ' sar-gardāñ

par aaj tak na khulā ye ki justujū kyā hai

yahāñ to kaam tamannā hī meñ tamām huā

magar unhoñ ne na pūchhā ki aarzū kyā hai

ye bahs kasrat o vahdat kī ham se kyuuñ vaa.iz

hamārī āñkhoñ se tū dekh chār-sū kyā hai

koī to chāhiye raḳhna umīd-vārī ko

barā.e-chāk-e-jigar hājat-e-rafū kyā hai

masal jahāñ meñ hai ''mushte namūna az-ḳhurvār''

jo haT-dharam nahīñ tum ho to haT kī ḳhū kyā hai

gavāh haiñ ye tirī bahkī bahkī bātoñ ke

ye jaam kyā hai ye mai kyā hai ye subū kyā hai

tumhāre daañt nahīñ hiire kī haiñ ye kaniyāñ

tumhāre sāmne motī kī aabrū kyā hai

misal-e-charKH raha 'asman' sar-gardan

par aaj tak na khula ye ki justuju kya hai

yahan to kaam tamanna hi mein tamam hua

magar unhon ne na puchha ki aarzu kya hai

ye bahs kasrat o wahdat ki hum se kyun waiz

hamari aankhon se tu dekh chaar-su kya hai

koi to chahiye raKHna umid-wari ko

barae-chaak-e-jigar hajat-e-rafu kya hai

masal jahan mein hai mushte namuna az-KHurwar

jo haT-dharam nahin tum ho to haT ki KHu kya hai

gawah hain ye teri bahki bahki baaton ke

ye jam kya hai ye mai kya hai ye subu kya hai

tumhaare dant nahin hire ki hain ye kaniyan

tumhaare samne moti ki aabru kya hai