misl-e-nawak jo nigahon se ishaara nikla

misl-e-nāvak jo nigāhoñ se ishāra niklā

dil dhaḌaktā huā pahlū se hamārā niklā

‘āriz-e-yār pe zulfoñ ke bikhar jaane se

chāñd Duubā huā badlī se dubāra niklā

hāsil-e-sahrā-navardī hai hamārī vahshat

ḳhaak chhānī to muqaddar kā sitāra niklā

be-tuke jaam pilā.e jo mujhe saaqī ne

zabt kā bāñdh khulā naam tumhārā niklā

tai-shuda saal mayassar thī javānī ham ko

kuchh baras Thiik so baaqī meñ ḳhasāra niklā

ham bhī sūkhe hue tālāb kā hissa nikle

vo bhī pyāsā kisī dariyā kā kinārā niklā

ab to allāh se shikva bhī nahīñ kar sakte

dil bhī kam-baḳht taraf-dār tumhārā niklā

laakh behtar thā ki siine se lagāte patthar

phuul ke bhes meñ ātish kā sharāra niklā

'mehvar'-e-sabr pe ik sabr kī aayat paḌh kar

khīñch kar jism se jaañ jaan se pyārā niklā

misl-e-nawak jo nigahon se ishaara nikla

dil dhaDakta hua pahlu se hamara nikla

‘ariz-e-yar pe zulfon ke bikhar jaane se

chand Duba hua badli se dubara nikla

hasil-e-sahra-nawardi hai hamari wahshat

KHak chhani to muqaddar ka sitara nikla

be-tuke jam pilae jo mujhe saqi ne

zabt ka bandh khula nam tumhaara nikla

tai-shuda sal mayassar thi jawani hum ko

kuchh baras Thik so baqi mein KHasara nikla

hum bhi sukhe hue talab ka hissa nikle

wo bhi pyasa kisi dariya ka kinara nikla

ab to allah se shikwa bhi nahin kar sakte

dil bhi kam-baKHt taraf-dar tumhaara nikla

lakh behtar tha ki sine se lagate patthar

phul ke bhes mein aatish ka sharara nikla

'mehwar'-e-sabr pe ek sabr ki aayat paDh kar

khinch kar jism se jaan jaan se pyara nikla