miTa ke tirgi tanwir chahta hai dil
miTā ke tīrgī tanvīr chāhtā hai dil
har ek ḳhvāb kī ta.abīr chāhtā hai dil
jise sambhāl ke rakh le zamāna yādoñ meñ
vo apnī zaat kī tasvīr chāhtā hai dil
maiñ apne aap se jab jab savāl kartā huuñ
mire javāb meñ tāsīr chāhtā hai dil
suḳhan payām ho duniyā ke vāste koī
diloñ ke vāste taqrīr chāhtā hai dil
na chāhtā hai ki tīr-o-kamāñ kī baat karūñ
na apne haath meñ shamshīr chāhtā hai dil
tumheñ se raunaqeñ qaa.em haiñ bazm-e-hastī kī
tumhāre pyaar kī jāgīr chāhtā hai dil
vo jis pe rashk kare har koī zamāne meñ
qalam kī shoḳhi-e-tahrīr chāhtā hai dil
miTa ke tirgi tanwir chahta hai dil
har ek KHwab ki tabir chahta hai dil
jise sambhaal ke rakh le zamana yaadon mein
wo apni zat ki taswir chahta hai dil
main apne aap se jab jab sawal karta hun
mere jawab mein tasir chahta hai dil
suKHan payam ho duniya ke waste koi
dilon ke waste taqrir chahta hai dil
na chahta hai ki tir-o-kaman ki baat karun
na apne hath mein shamshir chahta hai dil
tumhein se raunaqen qaem hain bazm-e-hasti ki
tumhaare pyar ki jagir chahta hai dil
wo jis pe rashk kare har koi zamane mein
qalam ki shoKHi-e-tahrir chahta hai dil
Source:
Fasl-e-khayaal (Pg. 42)
- Author: Faiyaz Rashk
-
- Edition: 2016
- Publisher: Arshia Publications
- Year of Publication: 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
