miTā sā harf huuñ bigḌī huī sī baat huuñ maiñ
jabīn-e-vaqt pe ik naqsh-e-be-sabāt huuñ maiñ
batā basīt zamāne hai kyā yahī insāf
jo hai adū-e-numūd-e-sahar vo raat huuñ maiñ
gumān ye thā ki huuñ markaz-e-hujūm-e-nigāh
yaqīn ye hai ki mahrūm-e-iltifāt huuñ maiñ
hai kis gunah kī siyāhī mirī ġhalat-fahmī
maiñ jāntā thā ki rūh-e-tajalliyāt huuñ maiñ
har āh-e-sard hai uftād-e-ashk kī tafsīr
ukhaḌ chale haiñ qadam vaqf-e-hādsāt huuñ maiñ
paḌhūñ shikast-e-azā.em kā marsiya kab tak
na jaane kab se sipurd-e-muqaddarāt huuñ maiñ
ye sab durust magar phir yahī kahūñgā 'sirāj'
ḳhud ik zamāna huuñ ḳhud ek kā.enāt huuñ maiñ
miTa sa harf hun bigDi hui si baat hun main
jabin-e-waqt pe ek naqsh-e-be-sabaat hun main
bata basit zamane hai kya yahi insaf
jo hai adu-e-numud-e-sahar wo raat hun main
guman ye tha ki hun markaz-e-hujum-e-nigah
yaqin ye hai ki mahrum-e-iltifat hun main
hai kis gunah ki siyahi meri ghalat-fahmi
main jaanta tha ki ruh-e-tajalliyat hun main
har aah-e-sard hai uftad-e-ashk ki tafsir
ukhaD chale hain qadam waqf-e-hadsat hun main
paDhun shikast-e-azaem ka marsiya kab tak
na jaane kab se sipurd-e-muqaddaraat hun main
ye sab durust magar phir yahi kahunga 'siraj'
KHud ek zamana hun KHud ek kaenat hun main
Source:
Shola-e-Aawaz (Pg. e-193 p-192)
-
Author:
Siraj Lakhnavi
-
- Edition: 1920
- Publisher: Nizami Press, Lucknow
- Year of Publication: 1920
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.