miyan wo jaan katrane lagi hai

miyāñ vo jaan katrāne lagī hai

tamannā mujh ko samjhāne lagī hai

sharāfat is qadar rusvā huī hai

amal par apne sharmāne lagī hai

javānī kī miyāñ dahlīz par hai

ġhazal ab merī itrāne lagī hai

ḳhudārā chhoḌ diije shoḳh hasrat

jo bū kāfūr kī aane lagī hai

sidhārā hai use do-chār das ne

tumhārī ye ġhazal paane lagī hai

tirā dīdār ho hasrat bahut hai

chalo ki niiñd bhī aane lagī hai

ḳharīdī jā rahī hai sabziyoñ sī

ġhazal bāzār meñ aane lagī hai

miyan wo jaan katrane lagi hai

tamanna mujh ko samjhane lagi hai

sharafat is qadar ruswa hui hai

amal par apne sharmane lagi hai

jawani ki miyan dahliz par hai

ghazal ab meri itrane lagi hai

KHudara chhoD dije shoKH hasrat

jo bu kafur ki aane lagi hai

sidhaara hai use do-chaar das ne

tumhaari ye ghazal pane lagi hai

tera didar ho hasrat bahut hai

chalo ki nind bhi aane lagi hai

KHaridi ja rahi hai sabziyon si

ghazal bazar mein aane lagi hai