mizaj-e-mustaqil dena shuur-e-moatabar dena

Gauhar Usmani

mizaj-e-mustaqil dena shuur-e-moatabar dena

Gauhar Usmani

MORE BYGauhar Usmani

    mizāj-e-mustaqil denā shu.ūr-e-mo.atabar denā

    jhukā paa.e na jis ko vaqt tūfāñ vo sar denā

    mujhe umr-e-ḳhizar denā ki umr-e-muḳhtasar denā

    mire afkār lekin zinda-e-jāved kar denā

    jo uTThe samt-e-māzī vo nazar merā nahīñ hāsil

    pas-e-dīvār-e-mustaqbil jo dekhe vo nazar denā

    mujāhid jañg ke maidāñ ko jaa.e jis tarah ghar se

    ye manzar zehn meñ rakh kar mujhe izn-e-safar denā

    agar is razm-gāh-e-dahr meñ jiinā hai mujh ko

    to phir in yūrishoñ meñ zinda rahne hunar denā

    sivā ho jaa.e jis se azmat-e-dīda-varī 'gauhar'

    nazar denā to yārab phir mujhe aisī nazar denā

    mizaj-e-mustaqil dena shuur-e-moatabar dena

    jhuka pae na jis ko waqt ka tufan wo sar dena

    mujhe umr-e-KHizar dena ki umr-e-muKHtasar dena

    mere afkar lekin zinda-e-jawed kar dena

    jo uTThe samt-e-mazi wo nazar mera nahin hasil

    pas-e-diwar-e-mustaqbil jo dekhe wo nazar dena

    mujahid jang ke maidan ko jae jis tarah ghar se

    ye manzar zehn mein rakh kar mujhe izn-e-safar dena

    agar is razm-gah-e-dahr mein jina hi hai mujh ko

    to phir in yurishon mein zinda rahne ka hunar dena

    siwa ho jae jis se azmat-e-dida-wari 'gauhar'

    nazar dena to yarab phir mujhe aisi nazar dena

    Source :
    • Book : Idraaq (Pg. 109)
    • Author : Gohar Usmani
    • Publication : Gohar Usmani (1993)
    • Edition : 1993
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now