aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

motaqid is bar shayad surKH-ru hone ko hai

Rahat Hasan

motaqid is bar shayad surKH-ru hone ko hai

Rahat Hasan

MORE BYRahat Hasan

    mo'taqid is baar shāyad surḳh-rū hone ko hai

    dost thā jo ab talak vo bhī 'adū hone ko hai

    dar khule jaate haiñ gum-gashta makīnoñ taraf

    har kisī ko apnī apnī justujū hone ko hai

    parbatoñ shakl meñ tabdīl hotā hai dhuāñ

    kyā koī aaseb mere rū-ba-rū hone ko hai

    surḳhiyoñ meñ Dhaltī jaatī hai siyāhī dam-ba-dam

    rafta rafta saarā paanī lahū hone ko hai

    vahm tā.īd kartī hai havāoñ namī

    pyaas ke māroñ pe zāhir aabjū hone ko hai

    sa'i-e-lā-hāsil se bhī hāsil huā hai vo mujhe

    jis sab zinda-diloñ ko aarzū hone ko hai

    ik zamāne baa'd 'rāhat' hosh meñ aayā huuñ maiñ

    ik zamāne baa'd ḳhud se guftugū hone ko hai

    mo'taqid is bar shayad surKH-ru hone ko hai

    dost tha jo ab talak wo bhi 'adu hone ko hai

    dar khule jate hain gum-gashta makinon ki taraf

    har kisi ko apni apni justuju hone ko hai

    parbaton ki shakl mein tabdil hota hai dhuan

    kya koi aaseb mere ru-ba-ru hone ko hai

    surKHiyon mein Dhalti jati hai siyahi dam-ba-dam

    rafta rafta sara hi pani lahu hone ko hai

    wahm ki taid karti hai hawaon ki nami

    pyas ke maron pe zahir aabju hone ko hai

    sa'i-e-la-hasil se bhi hasil hua hai wo mujhe

    jis ki sab zinda-dilon ko aarzu hone ko hai

    ek zamane ba'd 'rahat' hosh mein aaya hun main

    ek zamane ba'd KHud se guftugu hone ko hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now