moajiza maniye ya kahiye karishma dil ka

mo.ajiza māniye yā kahiye karishma dil kā

dil ke qālīn pe rakkhā hai janāza dil kā

kījiye ishq magar yād-dahānī meñ rahe

koī dil kā na huā aur na hogā dil kā

apne kānoñ meñ pahan le mere dil kī dhaḌkan

maiñ tire vāste laayā huuñ le jhumkā dil kā

zindagī naam ke panDit ne jise khīñchā thā

miT gayā ek hī daure meñ vo qashqa dil kā

chārāgar ham pe jarāhat kā fusūñ ḳharch na kar

na huā hai na kabhī hogā mudāvā dil kā

ḳhuun meñ bhīge hue phuul duā deñge tujhe

apne juuḌe meñ sajā le kabhī gajrā dil kā

na kisī giit se raġhbat na shaġhaf naġhmoñ se

sirf miirā ke bhajan suntā hai kānhā dil kā

chain umiid sukūñ dard tavaqqo dhaḌkan

bik gayā hijr ke bāzār meñ kyā kyā dil kā

terī tasvīr muzayyan hai ka.ī barsoñ se

tū ne dekhā nahīñ shāyad kabhī baTvā dil kā

moajiza maniye ya kahiye karishma dil ka

dil ke qalin pe rakkha hai janaza dil ka

kijiye ishq magar yaad-dahani mein rahe

koi dil ka na hua aur na hoga dil ka

apne kanon mein pahan le mere dil ki dhaDkan

main tere waste laya hun le jhumka dil ka

zindagi nam ke panDit ne jise khincha tha

miT gaya ek hi daure mein wo qashqa dil ka

chaaragar hum pe jarahat ka fusun KHarch na kar

na hua hai na kabhi hoga mudawa dil ka

KHun mein bhige hue phul dua denge tujhe

apne juDe mein saja le kabhi gajra dil ka

na kisi git se raghbat na shaghaf naghmon se

sirf mera ke bhajan sunta hai kanha dil ka

chain umid sukun dard tawaqqo dhaDkan

bik gaya hijr ke bazar mein kya kya dil ka

teri taswir muzayyan hai kai barson se

tu ne dekha nahin shayad kabhi baTwa dil ka