موڑ مہاراں آ گھر سائیں
سونا پڑا ہے بستر سائیں
میں ہوں تجھ بن اسم برہنہ
تو مرے تن کی چادر سائیں
پھول مری چھاتی سے اٹھا لے
بوجھ بڑا ہے دل پر سائیں
خالی ہے دھرتی کا برتن
بوندیں ہیں چھتری بھر سائیں
دو ہاتھوں کے پیالے میں ہے
صحرا اور سمندر سائیں
چڑیاں بارش میں بیٹھی ہیں
تو حجرے کے اندر سائیں
جس کو ترے لب چوم رہے ہیں
شعلہ ہے یا پتھر سائیں
پڑا ہوں دن کے دروازے پر
اوڑھے رات کی چادر سائیں
مأخذ:
پاکستانی ادب-1994 (Pg. 213)
-
- ناشر: اکیڈمی ادبیات پاکستان، اسلام آباد
- سن اشاعت: 1994
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
