aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mohabbat chaara-saz-e-dard-e-furqat hoti jati hai

Kokab Muradabadi

mohabbat chaara-saz-e-dard-e-furqat hoti jati hai

Kokab Muradabadi

MORE BYKokab Muradabadi

    mohabbat chāra-sāz-e-dard-e-furqat hotī jaatī hai

    mirī vahshat mujhe sāmān-e-rāhat hotī jaatī hai

    udhar vo munfa.il nazreñ idhar ye muztarib naale

    nadāmat hotī jaatī hai shikāyat hotī jaatī hai

    nazar aate haiñ vo āmāda-e-lutf-o-karam ḳhud

    mujhe bhī aaj arz-e-ġham himmat hotī jaatī hai

    jabīñ ḳhud āstān-e-bandagī ko DhūñDh letī hai

    mohabbat ḳhud nahīñ hotī mohabbat hotī jaatī hai

    nahīñ khultā ye uqda josh-e-vahshat meñ nahīñ khultā

    ki kyoñ bezār manzil se tabī.at hotī jaatī hai

    kisī ne yaad farmāyā hai kyā phir apnī mahfil meñ

    ki az-ḳhud baiThe baiThe ġhair hālat hotī jaatī hai

    chalī aatī haiñ paiham hichkiyāñ bīmār-e-ulfat ko

    murattab ḳhud-baḳhud ġham hikāyat hotī jaatī hai

    shikāyat ishq ko hai husn ke paiham taġhāful

    qayāmat meñ ye ik taaza qayāmat hotī jaatī hai

    murattab ho ga.ī fard-e-amal yuuñ ḳhud-baḳhud 'kaukab'

    mire dīvān-e-she.rī kitābat hotī jaatī he

    mohabbat chaara-saz-e-dard-e-furqat hoti jati hai

    meri wahshat mujhe saman-e-rahat hoti jati hai

    udhar wo munfail nazren idhar ye muztarib nale

    nadamat hoti jati hai shikayat hoti jati hai

    nazar aate hain wo aamada-e-lutf-o-karam KHud hi

    mujhe bhi aaj arz-e-gham ki himmat hoti jati hai

    jabin KHud aastan-e-bandagi ko DhunDh leti hai

    mohabbat KHud nahin hoti mohabbat hoti jati hai

    nahin khulta ye uqda josh-e-wahshat mein nahin khulta

    ki kyon bezar manzil se tabiat hoti jati hai

    kisi ne yaad farmaya hai kya phir apni mahfil mein

    ki az-KHud baiThe baiThe ghair haalat hoti jati hai

    chali aati hain paiham hichkiyan bimar-e-ulfat ko

    murattab KHud-baKHud gham ki hikayat hoti jati hai

    shikayat ishq ko hai husn ke paiham taghaful ki

    qayamat mein ye ek taza qayamat hoti jati hai

    murattab ho gai fard-e-amal yun KHud-baKHud 'kaukab'

    mere diwan-e-sheri ki kitabat hoti jati he

    Source:

    Tajalliyat (Pg. 95)

      • Year of Publication: 1941
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now