mohabbat ghair-fani hai maraz hai la-dawa mera

Abbas Ali Khan Bekhud

mohabbat ghair-fani hai maraz hai la-dawa mera

Abbas Ali Khan Bekhud

MORE BYAbbas Ali Khan Bekhud

    mohabbat ġhair-fānī hai maraz hai lā-davā merā

    ḳhudā zaat baaqī hai mohabbat hai ḳhudā merā

    na jiite huā hargiz vafā nā-āshnā merā

    par us dāstāñ ban kar rahā zikr-e-vafā merā

    jafā terī tālib huuñ vafā hai mudda.ā merā

    yaqīn-e-nā-murādī par bhī dekho hausla merā

    ye kaisī chheḌ hai kyoñ pūchhte ho mudda.ā-e-dil

    hue jab mudda.ī ke tum suno kyuuñ mudda.ā merā

    paḌe kyuuñ soch meñ tum qatl karke mehrbāñ mujh ko

    vafā thī ḳhatā thī nahīñ kuchh ḳhūñ-bahā merā

    nahīñ ma.alūm kis par aaj phir mashq-e-jafā hogī

    ki hai un ke laboñ par aaj phir zikr-e-vafā merā

    dil-āzārī baa.is ho nahīñ saktī jafā terī

    vahī hai nā-murādī par bhī andāz-e-vafā merā

    ḳhudā jaane harīm-e-nāz hai kitnī bulandī par

    ki guzrīñ muddateñ lekin hai naala nā-rasā merā

    mujhe mahshar meñ bhī ummīd kam hai daad paane

    ḳhudā.ī jab butoñ hai to kyā hogā ḳhudā merā

    masīhā.ī un imtihāñ manzūr hai varna

    mujhe ma.alūm hai 'beḳhud' maraz hai lā-davā merā

    mohabbat ghair-fani hai maraz hai la-dawa mera

    KHuda ki zat baqi hai mohabbat hai KHuda mera

    na jite ji hua hargiz wafa na-ashna mera

    par us ki dastan ban kar raha zikr-e-wafa mera

    jafa ka teri talib hun wafa hai muddaa mera

    yaqin-e-na-muradi par bhi dekho hausla mera

    ye kaisi chheD hai kyon puchhte ho muddaa-e-dil

    hue jab muddai ke tum suno kyun muddaa mera

    paDe kyun soch mein tum qatl karke mehrban mujh ko

    wafa ki thi KHata ki thi nahin kuchh KHun-baha mera

    nahin malum kis par aaj phir mashq-e-jafa hogi

    ki hai un ke labon par aaj phir zikr-e-wafa mera

    dil-azari ka bais ho nahin sakti jafa teri

    wahi hai na-muradi par bhi andaz-e-wafa mera

    KHuda jaane harim-e-naz hai kitni bulandi par

    ki guzrin muddaten lekin hai nala na-rasa mera

    mujhe mahshar mein bhi ummid kam hai dad pane ki

    KHudai jab buton ki hai to kya hoga KHuda mera

    masihai ka un ki imtihan manzur hai warna

    mujhe malum hai 'beKHud' maraz hai la-dawa mera

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY