mohabbat ibtida mein hai jafaen na-munasib hain

mohabbat ibtidā meñ hai jafā.eñ nā-munāsib haiñ

tumhāre rūThne kī ye adā.eñ nā-munāsib haiñ

ye shāyad umr aisī thī mohabbat ho ga.ī mujh ko

magar is umr meñ itnī sazā.eñ nā-munāsib haiñ

tumhāre shahr se jaanā muqaddar thā so jhelā hai

magar is meñ raqīboñ kī duā.eñ nā-munāsib haiñ

abhī se hijr kī talḳhī meñ mar jā.ūñgā jān-e-jāñ

abhī mausam vafā kā hai jafā.eñ nā-munāsib haiñ

inhī tārīkiyoñ meñ zinda rahne kā hunar sīkho

diye ko mat jalāo tum havā.eñ nā-munāsib haiñ

ye sher-o-shā.erī 'dā.em' ye ishq-o-āshiqī 'dā.em'

mirī maano tumhārī ye adā.eñ nā-munāsib haiñ

mohabbat ibtida mein hai jafaen na-munasib hain

tumhaare ruThne ki ye adaen na-munasib hain

ye shayad umr aisi thi mohabbat ho gai mujh ko

magar is umr mein itni sazaen na-munasib hain

tumhaare shahr se jaana muqaddar tha so jhela hai

magar is mein raqibon ki duaen na-munasib hain

abhi se hijr ki talKHi mein mar jaunga jaan-e-jaan

abhi mausam wafa ka hai jafaen na-munasib hain

inhi tarikiyon mein zinda rahne ka hunar sikho

diye ko mat jalao tum hawaen na-munasib hain

ye sher-o-shaeri 'daem' ye ishq-o-ashiqi 'daem'

meri mano tumhaari ye adaen na-munasib hain