mohabbat is-qadar ka faeda kya

mohabbat is-qadar kā fā.eda kyā

yuuñ hone dar-ba-dar kā fā.eda kyā

tire bin hai mire kis kaam kā ye

mire barbād ghar kā fā.eda kyā

suno dastār dāġhoñ se bharī hai

salāmat hai jo sar kā fā.eda kyā

agar ab bhī nahīñ ye kaam kā to

mere chhalnī jigar kā fā.eda kyā

ye ġhālib bhuuk thī tum pūchhte ho

kaTā.e bāl-o-par kā fā.eda kyā

mirī mahrūmiyāñ gar haiñ salāmat

tirī achchhī nazar kā fā.eda kyā

vo sunñe ke liye tayyār kab thā

vazāhat be-asar kā fā.eda kyā

basāyā hai mujhe tū ne jo dil meñ

to phir mujh se mafar kā fā.eda kyā

vafā ke naam se vāqif na ho jo

to husn-e-ḳhūb-tar kā fā.eda kyā

mayassar raushnī jis kī nahīñ hai

to phir aise qamar kā fā.eda kyā

mohabbat is-qadar ka faeda kya

yun hone dar-ba-dar ka faeda kya

tere bin hai mere kis kaam ka ye

mere barbaad ghar ka faeda kya

suno dastar daghon se bhari hai

salamat hai jo sar ka faeda kya

agar ab bhi nahin ye kaam ka to

mere chhalni jigar ka faeda kya

ye ghaalib bhuk thi tum puchhte ho

kaTae baal-o-par ka faeda kya

meri mahrumiyan gar hain salamat

teri achchhi nazar ka faeda kya

wo sunne ke liye tayyar kab tha

wazahat be-asar ka faeda kya

basaya hai mujhe tu ne jo dil mein

to phir mujh se mafar ka faeda kya

wafa ke nam se waqif na ho jo

to husn-e-KHub-tar ka faeda kya

mayassar raushni jis ki nahin hai

to phir aise qamar ka faeda kya