mohabbat jis ghaDi karne chale the

mohabbat jis ghaḌī karne chale the

hamārī aql par patthar paḌe the

ujaḌ kar rah gayā dil kā gulistāñ

zamāne pahle yaañ par gul khile the

hameñ bhī khā ga.ī āḳhir nigoḌī

baḌe qisse mohabbat ke sune the

taqāzā vaqt kā samjho miyāñ kuchh

vo din ab bhuul jaao jo bure the

yahāñ aa kar bahut hairat-zada haiñ

yahīñ ik roz khul kar hañs rahe the

musībat do-gunā baḌhne lagīñ ab

guzishta vaqt meñ kitne maze the

hathelī par hamārā dil rakhā thā

tire hāthoñ meñ jab ḳhanjar chhupe the

kisī taale lage kamre meñ haiñ ab

tumhāre naam jo bhī ḳhat likhe the

mohabbat jis ghaDi karne chale the

hamari aql par patthar paDe the

ujaD kar rah gaya dil ka gulistan

zamane pahle yan par gul khile the

hamein bhi kha gai aaKHir nigoDi

baDe qisse mohabbat ke sune the

taqaza waqt ka samjho miyan kuchh

wo din ab bhul jao jo bure the

yahan aa kar bahut hairat-zada hain

yahin ek roz khul kar hans rahe the

musibat do-guna baDhne lagin ab

guzishta waqt mein kitne maze the

hatheli par hamara dil rakha tha

tere hathon mein jab KHanjar chhupe the

kisi tale lage kamre mein hain ab

tumhaare nam jo bhi KHat likhe the